Դանիական Senseye ընկերությունը ստեղծել է մի տեխնոլոգիա, որը թույլ է տալիս ղեկավարել սմարթֆոնն՝ ընդամենն էկրանին նայելով: Այն աշխատում է դիմային տեսախցիկի ու ինֆրակարմիր լուսադիոդի օգնությամբ ու «հանում է հեռախոսը քնած ռեժիմից», երբ օգտագործողը նայում է էկրանին: Նույն տեխնոլոգիայն թույլ է տալիս թերթել տեքստը:
Այժմ նորաստեղծ ընկերությունը բանակցություններ է վարում Google-ի հետ՝ վերոհիշյալ տեխնոլոգիան Android-ում կիրառելու նպատակով: Սպասվում է, որ հայացքով կառավարվող առաջին սմարթֆոնը կթողարկվի 2013-ին:
Մշակումն առաջին անգամ ցուցադրվել է Mobile Startup Weekend միջոցառմանը, որը տեղի է ունեցել Կոպենհագենում ընթացիկ տարվա հունիսին:
Աչքերի շարժմանը հետևող տեխնոլոգիան նոր չէ: Ավելի վաղ Lenovo ընկերությունը ցուցադրեց հայացքով կառավարվող նոութբուք, որն աշխատում էր շվեդական Tobii տեխնոլոգիայով: Այն թույլ էր տալիս հայացքով բացել-փակել պատուհանները, ինչպես նաև թերթել էջերը:
Posted in: 
0 Մեկնաբանություններ:
Отправить комментарий